Heimtuna eller «Hemmtuna» ligg på Årberg i Sunnfjord i tidlegare Gaular kommune. Køyrer du E39 nordover etter å ha kryssa Sognefjorden finn du oss ca ei mil nord om Vadheim, like før du bikkar toppen av vegen før det hallar ned att mot Sande.
Her ligg gardane på rekke midt mot sola med Årbergsfjellet i bakkant. At her har vore samanhengande gardsdrift langt tilbake vitnar mellom anna funn frå vikingtida om.
